كتب : محمد مجدي مراد
حملة EVolt حملة توعوية عملناها كمشروع تخرج من طلاب إعلام بجامعة مصر الدولية
هدفنا؟ نفتح حوار حقيقي عن العربيات الكهربائية ونخلي الناس تكون عندها رأي واعي ومبني على معلومات — لأن العربية الكهربائية مش موضة وهتعدي.
في EVolt، بنحاول نجاوب على الأسئلة اللي فعلًا بتشغل الناس:
الصيانة أرخص؟ أيوه! مفيش تغييرات زيت، وقطع غيار أقل، وفلوس أقل على المدى الطويل.
والبنزين؟ الكهربا أوفر بكتير وسعرها ثابت، وكمان بقت أأمن بعد المشاكل اللي بتحصل بسبب البنزين في المحطات.
هل محتاجه أسلوب حياة معين؟ خالص! دي أسهل بكتير – بتشحنها في البيت، مفيش طوابير بنزين، والسواقة نفسها أهدى وأنعم.
إحنا بنستخدم السوشيال ميديا، اللقاءات، ومحتوى بسيط ومدروس علشان نساعد الناس تفهم، وتقرر بنفسها.
الموضوع مش بس عملي… ده بيدي إحساس بالقوة والسيطرة على اختياراتك.
هي مش مجرد عربية — دي حركة . دي EVolt، ما بعد الوقود